盂蘭節特備節目之最終章
《《 羅。蘭姐的啓示》》
今日介紹嘅呢位病房呀姐蘭姐
佢會話你知佢有double vision
經常睇到你睇唔到嘅嘢
又得閒話你知邊度陰氣重呀等等等等有用嘅道路安全訊息
最重要嘅係佢會好主動咁幫新入伙，
又或者病房諸事不順嘅時候幫手拜下神作下福
拜拜完之後，大家都會好幸福（應該係）
當然，
呢家嘢信不信由你
但有時呢位呀姐會沾沾咁表現佢功德無量
.
.
.
半夜三更，
病房內存在就叫糊嘅case
（即係差梗，心跳亦都開始變慢啦）
（等左成晚都未叫糊，身心好會疲累－ －我指我同呀婆）
就嚟天光，阿婆努力向上爬之際⋯⋯
呢位羅蘭姐急急咁行過嚟問我：
「姑娘，個case係咪就⋯⋯？」
我：「係架啦，執定嘢（即包屍用的用品）」
羅蘭姐：「（ 冷笑 ）咁又未必⋯⋯」
（屌，咁你又問我⋯⋯）
天光了，
呀婆大難不死。
呢位羅蘭姐突然飄出嚟～～
羅蘭姐：「 你要多謝我啦⋯⋯個case走唔去⋯⋯」
（痴線架，又關你事）
繼續講⋯⋯
「我呀，頭先行過埋去，用個頭撞散左”佢”咪走唔成囉。（笑笑）」
我：「⋯⋯」
還可以說什麼？
真係「誰都會散，怎知一拍便會散」咩？
魂魄散左就跟唔到牛生馬生走架啦咩？
.
.
結果，
阿婆今次上唔到機。
不過
我話你知⋯⋯
去到農曆七月，
的確係易上機啲嘅⋯⋯
最後，
祝君好運。
Search